Jessica Rabbit është krijuar për të rrezatuar epsh seksual, meqë ishte krijesë e inspiruar nga tri prej divave më të mëdha të Hollywoodit - Veronica Lake, Rita Hayworth dhe Lauren Bacall. Por, këtë vit ajo inspiroi femrat për realizimin e kostumeve seksi për Natën e Shtrigave.
Ajo është krijesë e filmit të vitit 1988, të quajtur “Who Framed Roger Rabbit", me regji të Robert Zemeckis, transmeton Telegrafi.
Filmi ka aktorë realë dhe karaktere të animuara, që ndërveprojnë me njëri-tjetrin.
Jessica Rabbit fillimisht ishte edhe heroinë e stripave, por “famën” e arriti në film, sidomos me zërin që ia dha Kathleen Turner.
