Gazeta Koha Ditore, në ballinën e numrit të sotëm shkruan se si Komisioni për kontroll, etikë dhe disiplinë i UEFA-s ka vendosur që ndeshjen e ndërprerë më 14 tetor, Serbi - Shqipëri, ta regjistrojë me rezultat zyrtar 3:0 në favor të Serbisë.
Për ndeshjen që u ndërpre pas sulmit të huliganëve serbë ndaj futbollistëve shqiptarë në fushë, të dy federatat janë dënuar me nga 100 mijë euro.
Serbisë si organizatore e ndeshjes i janë marrë tri pikë dhe është dënuar me dy ndeshje pa shikues si vendës.
Të dy federatat e kanë quajtur të papranueshëm vendimin dhe kanë paralajmëruar ankesa.
