Për banorët e fshatit Çarr të komunës së Bujanocit ditë më parë ka ndodhur një e papritur, forcat e xhandarmërisë të cilat ishin të vendosura afër fshatit për vite të tëra, janë tërhjekur nga aty dhe banorët e Çarrit tashmë marrin frymë më lirshëm, edhe pse periudha e gjatë i kishte adaptuara ata, por prapë ekzistonte frika e cila gjatë tërë kohës ishte prezente, sidomos te fëmijët dhe gratë.
Banorët e këtij vendbanimi të Malësisë së Bujanocit, i kanë pohuar portalit BujanociNet se ushtarët e kanë boshatisur bazën duke i marrë me veti edhe paisjet që i kishn të vendosura. Në vendin ku kanë qenë të stacionuar xhandarmëria, tashmë kanë mbetur vetëm objektet e improvizuara, të cilat do të mbesin vetëm një kujtim jo i mirë për banorët. Përgjatë vijës kufitare me Kosovën, afër vendbanimeve shqiptare akoma gjenden një sërë bazash ushtarake, të cilat patrullojnë, shpesh herë edhe nëpër mes të fshatrave me mjetet e tyre ushtarake, të cilat shkaktojnë panikë te popullata shqiptare edhe ashtu pak në numër, të cilët po mundohen që mos të shpërngulen nga vatrat e tyre stërgjyshore. Arsyet e largimit të xhandarmërisë, sipas banorëve nuk dihen, por ata shpresojnë që mos të kenë një planë tjetër, ndonjë bazë në ndonjë vend tjetër afër vendbanimit të tyre.
