Rebelët sirianë kanë postuar një foto të një fëmije të vogël, të marrë peng prej tyre. Vogëlushi është i ulur në gjunjë dhe ka tre armë të drejtuara në fytyrë.
“Pengu ynë më i vogël nga sekti armiqësor i Kessab”, thuhet në diçiturën e fotos së postuar nga Ushtria për Sirinë e Lirë.
Ende nuk dihet nëse kjo foto është e vërtetë, por ajo vjen në momentin kur parlamenti ka vendosur një datë për zgjedhjet presidenciale.
Kështu, më 3 qershor do të ketë votime, pavarësisht se vendi është në luftë civile, e cila ka shkaktuar 150 mijë viktima deri më tani.
Perëndimi ka shprehur zemërim ndaj një vendimi të tillë. Ndërkohë ka raportime se disa vende perëndimore po hetojnë nëse presidenti Bashar al- Assad ka përdorur armë kimike sërish ndaj qytetarëve të vendit të tij.
