Një kamion ka pësuar një aksident të tmerrshëm në një urë në Rusi, ndërsa e gjithë skena është kapur nga një kamera e vendosur në një makinë që ishte duke lëvizur në sensin e kundër me kamionin.
Me një ngarkesë prej 20 ton perime, drejtuesi i kamionit ka humbur kontrollin para se të mbërrinte në urë, e cila më pas është përshkuar thuajse e gjitha me automjetin të kthyer në njërin krah e që u ndal më pas vetëm pak metra nga vetura që kishte ndaluar përballë tij.
Shkaqet e aksidentit janë të paqarta, ndërsa fatmirësisht nuk ka pasur persona me dëmtime të rënda, me përjashtim të lëndimeve të lehta të drejtuesit të kamionit.
