Është përcjellë për në banesën e fundit sot vogëlushi Dano, 5 vjeç, me origjinë nga Kosova, që banonte në Gjermani. Qindra njerëz u mblodhën për t’i dhënë lamtumirën vogëlushit, që u vra para disa ditësh.
Krimi tronditi mbarë opinionin publik. Nëna e tij nuk mund të qëndronte në ceremoninë mortore, pasi kishte nevojë për trajtim mjekësor.
Arkivoli i bardhë u vendos në oborrin e një xhamie. Imami Hysein Mermer tha se është një tragjedi që i ka prekur të gjithë.
Ndërkohë policia ka arrestuar autorin e këtij krimi. Ai është Ibrahim B., 42 vjeç, edhe ai me origjinë nga Kosova
Ai e ka rrëfyer krimin e tmerrshëm. Megjithatë ende nuk ka detaje të qarta se përse e kreu këtë krim horror.
Bild raporton se ai ishte i dyshuar për mashtrim dhe abuzim me fëmijët.
Mendohet se kur një ditë ai e goditi Danon e vogël në fytyrë dhe vogëlushi kërcënoi se do u tregonte prindërve, ai e vrau. Ka raportime se ai ishte u martuar dhe kishte pesë fëmijë. Mendohet se në ditën e krimit, e ka braktisur gruaja.
Policia e dyshon për vrasjen e një tjetër vogëlusheje, Jenisa, edhe ajo me origjinë nga Kosova.
