Policia serbe në orët e para të mëngjesit të 17 prillit ka bastisur shtëpinë e një shqiptari në fshatin Miratoc të Preshevës, njofton RTV Presheva.
Sipas burimeve nga fshatarët, forcat e xhandarmerisë serbe kanë hyrë në shtëpinë e Osman Sylejmanit nga ky fshat shqiptar në Preshevë. Ata për mëse nje orë kanë qëndruar aty duke kontrolluar e bastisur cdo cep të shtëpisë madje edhe në oborr, pa asnjë shpjegim. Kjo ndërhyrje e forcave serbe ka shqetësuar jo vetëm anëtarët e familjes së pronarit të kësaj shtëpie z.Sylejmani po dhe fshatarët e Miratocës. Kjo është hera e dytë që policia serbe bastisë shtëpinë e kësaj familje. As pas gati 24 orësh nuk ka asnjë reagim nga komuna apo liderët shqiptare në Luginës së Preshevës.
