Një nxënëse 15-vjeçare myslimane është ndaluar nga pjesëmarrja në klasë në një shkollë në verilindje të Francës, pasi kishte veshur një fund të zi dhe shumë të gjatë dhe konsiderohej se ishte ‘shumë e fetare’, transmeton TetovaSot.
Nxënësja është identifikuar vetëm si Sara, dhe u ndalua nga klasa në fillim të këtij muaji nga mësuesi, i cili tha se nxënësja kishte veshur një fund shumë të gjatë dhe që ‘dukshëm’ tregon përkatësinë fetare.
Shkolla argumenton se fundi i gjatë bie ndesh me ligjet strikte të laicitetit të Francës që drejtojnë shkollat shtetërore, e cila ndalon që nxënësit të veshin hixhab, apo kryqe të mëdha të krishtera.
