“Ka ardhur koha që Shqipëria të jetë në krah të shqiptarëve të Luginës së Preshevës, jo vetëm me retorikë politike por dhe me vepra. Nuk ka kuptim Shqipëria pa Bujanocin, Medvegjën dhe Preshevën” .
Është mesazhi që vjen nga shqiptarët në Luginën e Preshevës, përmes Jonuz Musliut, kreut të Këshillit Kombëtar Shqiptar në Luginën e Preshevës.
Nga studio Ballkan Magazine e Ora News, me gazetaren Linda Karadaku, Jonuz Musliu i bën thirrje kryeministrit Rama në Shqipëri dhe kryeministrit Isa Mustafa në Kosovë të nxisin investitorët të investojnë në Luginën e Preshevës. Madje kërkon dhe hapjen e një fondi në buxhetin e shtetit të dy qeverive.
“Kur di Serbia të ndajë 40 milionë euro për serbët e Kosovës, edhe Shqipëria e Kosova kanë mundësi. Ia kam bërë kërkesën Qeverisë së Republikës së Kosovës dhe Shqipërisë, që një pjesë e buxhetit të jetë dhe për shqiptarët e Preshevës” tha Musliu./Titulli.com/
