Të dielën ka ndodhur një vrasje e rëndë në mes shqiptarësh. Në Heiden, kantoni i Appenzell Ausserrhoden, shqiptari nga Kosova I. D. ka therur me thikë shqiptarin nga Presheva, Xh. I. Pas kësaj, vrasësi është paraqitur vetë në polici.
Kjo eshte Presheva Jone meson se Xh. I. eshte nga fshati Tërrnavë i Preshevës.
Ngjarja e dhunshme ka ndodhur pas një konflikti në mes të dy grupeve. Rreth orës 18.20 situata është përshkallëzuar në aërsi të një objekti shkollor. Kosovari 52 vjeçar ka nxjerrë thikën dhe ka qëlluar preshevarin 49 vjeçar. Plagët e shkaktuara me thikë kanë qenë fatale për viktimëm i cili ka vdekur në spital. Policia konsideron se shkas i fillimit të zënkës ka qenë një ndeshje futbolli që ishte zhvilluar pak më parë.
Ndërkaq, burime të albinfo.ch bëjnë të ditur se problemet që kanë pasur në mes vete djemtë e të vrarit dhe vrasësit kanë shkaktuar zënkën e cila është përshkallëzuar me vrasje.
