Një video shokuese, e ngarkuar në Youtube nga fondacioni AAA, për siguri në trafik në SHBA, tregon shoferët e rinj duke përdorur telefonat e tyre, duke ndryshuar muzikën, e disa femra duke vendosur make-up përderisa ishin duke vozitur.
Në video shihet rruga para tyre dhe shoferët, që janë të shpërqendruar tërësisht nga gjërat tjera, e nuk e kanë mendjen në vozitje, gjë që mund t’i shkaktojë vdekjen atyre apo edhe pjesëmarrësve të tjerë në komunikacion.
Studiuesit kanë analizuar rreth 1700 video gjashtë sekonda para aksidentit, ku del se 58 për qind e aksidenteve të të rinjve ndodhin se ata janë të shpërqendruar.
