Për 10 vjetorin e krijimit, Facebook përgatiti videot “Kthim Mbrapa” për të gjithë përdoruesit e saj. Kompania ka njoftuar se do të sjellë një opsion të ri për video, ku shpreson të ketë po aq sukses sa i pari.
Projekti i ri për video i Facebook-ut, i quajtur “Say Thanks” (Thuaj Faleminderit) lejon përdoruesit të krijojnë video për miqtë e tyre dhe familjarët duke treguar momentet e bukura që ata kanë ndarë bashkë. Kjo veçori e re do të vijë para sezonit të festave. Kështu furnizuesi i lajmeve do të mbushet plot me video nostalgjike, ku miqtë do të kenë mundësi të shfaqin dashurinë e tyre.
Përdoruesit e Facebook-ut mund të zgjedhin një mik dhe një temë për videon, si për shembull, ‘miq të vjetër’, ‘miqtë’, ‘e komplikuar’ ose ‘familja’- secila temë ka muzikën e vetë. Ashtu si përdoruesit kishin mundësi të përzgjidhnin fotot dhe t’i editonin ato për videot tek “Kthim Mbrapa”, edhe tek kjo veçori e re ata do të ketë mundësi të zgjedhin fotot që përfaqësojnë më së miri miqësinë me një person dhe postimet që ata kanë bërë tek muri, si mesazhet e “Ditëlindjes”.
Sapo të krijoni videon, etiketoni mikun tuaj dhe shpërndajeni atë në Facebook. Ju mund të zgjidhni gjithashtu se kush mund ta shoh këtë video, domethënë vetëm miku juaj, të gjithë miqtë apo publike. Këto video mund të krijohen si në desktop ashtu edhe në pajisjet mobile. Për të krijuar videon “Thuaj Faleminderit” klikoni këtu.
